وصفات رااااااائعة لتطويل الشعر

- أولا وصفة خطييييييييييييييرة لتطويل الشعر بسرعة

الوصفة عبارة عن:
اولا:مكوناتها هي:
نواة التمر + عين الجمل( نوع من انواع المكسرات تسمى بهذا الاسم) بمقدارين متساويين
( والمقدار تقريبا : 2 كأس بلاستيك لكل منهما )
بيالة حلبة
بصلة مقطعة قطع كبيرة
2فص ثوم مقطع قطع كبيرة
بصلة مفرومة فرم ناعم نعصر مائها باليد
2فص ثوم مفروم نعصر مائه باليد
كمية كافية من الجرجير(نعصره) مقدار كأس واحد (بلاستيك) معصور
علبة كاملة كبيرة زيت جوزالهند
علبة كاملة كبيرة زيت دابر املا الاصلي (الاخضر) مش الاصفر
علبة كاملة زيت الأس(من العطار)
كمية قليلة جدا من دهن الورد(من العطار)
ثانيا:طريقة عمل الوصفة هي :
1- نأخذ (نواة التمر+ عين الجمل) ويحرق على النار ثم يطحن جيدا ثم يعجن بدهن الورد
الى ان يصبح مثل المرهم ((وتستخدم هذه الوصفة ايضا لتغزير شعر الحواجب))
2 – نطحن الحلبة
3- نخلط الزيوت (زيت جوزالهند + زيت دابر املا + زيت الاس) في علبة كبيرة
4 – نضيف ماء البصل والثوم المعصور بواسطة اليد +ماء الجرجير (المعصور)
5 – نضيف على الزيوت ( في نفس العلبة الكبيرة الي خلطنا فيها الزيوت) نضيف(نواة التمر+عين الجمل)المطحون+الحلبة المطحونة
6 – نضيف على الزيوت قطع البصل والثوم في نفس العلبة الكبيرة (( ويمكن اضافة الفلفل الاخضر الحار بعد تقطيعه ))
7 – نرج العلبة حتى تختلط الزيوت والحلبة و..و..و..مع بعض.
8-تترك ليلة كاملة قبل الاستخدام حتى يأخذ البصل والثوم مفعوله على الزيوت
ثالثا : طريقة الاستخدام هي :
1- تدلك فروة الرأس جييييييدا مع الاطراف
2- يغطى الشعر بالغلاف البلاستيك الخاص بالأطعمة ( حتى تأخذ الوصفة مفعولها جيدا)
3- يترك على الشعر مدة تترواح بين ( ساعتين الى ثمان ساعات )
اقل مدة :ساعتين لتأخذ الوصفة مفعولها
وأكثر مدة : ثمان ساعات
(انا عن نفسي اتركه بشعري ثمان ساعات والحمد الله مافي أي اثر للتساقط او اجهاد الشعر او فروة الرأس)
4- يستخدم يوميا لكن يجب اعطاء الشعر فترة راحة كافية.( يعني بعد ماتغسلينه بالشامبو تخليه بدون وضع أي كريم او زيت علشان ماتجهدين فروة شعرك لأنك راح تحطين زيت يومياًً)
(اما اذا كان شعرك يحتاج للكريم او الزيت بعد ماتغسلينه بشامبو يفضل انك تستخدمين شامبو مرطب مثل شامبو دوف 2في1 لجميع انواع الشعر،عشان مايخليه جاااف،او أي شامبو ثاني مرطب،واذا كنتي ماتقدرين تستغنين عن الكريم بعد ماتغسلينه يفضل انك ماتكثرين من الكريم بس مسحات خفيفة على الشعر،عشان مايتطاير هذا اذا كان شعرك جاف)
وعلى فكرة:ترى هذي الوصفة زيادة على انها تطول وتكثف الشعر بعد تنعمه،ومع المداومة تشوفين شعرك صار مايحتاج أي كريم،بس غسليه بشامبو ومشطيه وخليه يجف على الراحة وبتلاحظين نعومته صارت طبيعية وماتحتاجين لشي..(خصوصا اذا كنتي تغطين شعرك بالغلاف البلاستيك الخاص للأطعمة،لأن الشعر يتشبع من الزيت)
اخيرا...
راح اختصر لكم مميزات هذه الوصفة :
1- تطول الشعر
2- تزيد من كثافة الشعر
3- تنعم الشعر
4- تزيل القشرة تماما...
5- تنفع للأطفال ...

ثانيا: وصفة لتطويل الشعر 15 سم خلال شهر

مكونات الخلطة :
نعناع اخضر .
شاهي اخضر .
ليمون .
كوب ماء ورد او زهر او كاذي .
ماء عادي .

تحطين كل هذي المكونات في قدر وتحطينها على النار الين تغلي وبعدين اطفي النار وخليها في القدر ساعه
وبهذي المده سوي لشعرك حمام زيت جاهز .....
او انتي سويه في البيت
(زيت خروع + زيت الثوم + زيت النخاع + زيت زيتون ) اومجموعة الزيوت اللي تناسب شعرك

وبعد مرور ساعه ........
اغسلي شعرك من الزيوت بالشامبو واخر شي خذي مغلي النعناع والشاهي الاخضر واليمون وصبيه على شعرك اذا تبين تغسليه بعد كذا اغسليه او خليه بشعرك عادي لا تغسليه هذا شي يرجعلج
انشاالله اذا داومتي على الوصفه راح يطول شعرج خلال شهر 15 سم .
على فكره ممكن تستعملينها يوميا أو ممكن تستعملها كل يومين او مرتين بالاسبوع عادي

ثالثا: تطويل الشعر 3سم في الاسبوع

الوصفه هذي عندج بالبيت ورح تطول شعرك وتنعمه في خلال اسبوع من الاستعمال
تأخذين زيت نارجين وتحطينه في قدر على النار ::: وتكون النار خفيفه يعني وتضيفين فص ثوم كامل :::
وتححركينه خفيف :::
وتطفين النار وتتركينه لحد ما يبرد وتصفينه في قاروره وتحطينه في الثلاجه وبعد يومين تبدأين باستخدامه :::
يعني تفركين فروة الراس بالخليط وتتركينه على شعرج اقل شي اربع ساعات ولا تنسين تغطين شعرج
وبعدين تغسلينه واستخدمي جونسون الشامبو

يعني هي كل اسبوع 3 سنتي

رابعا: طريقة سهلة وسريعة ((مجربة))

طريقة سهلة وسريعة لتطويل الشعر بسرعه كبيرة

الخلطة سهلة:
أخذي ترمس مطحون وانقعيه في ماء ساخن من الصبح الى الليل، بعدين صفيه وغسلي شعرك فيه أو ادهنيه فيه المهم تخلينه على شعرك من الليل إلى الصبح بدون ماتشطفينه
وتغطينه بغطاء بلاستيك وفوقه منشفه دافيه ...
وخلال 10 ايام بتلاحظين الفرق، هالخلطة تساعد على فرد الشعر المجعد,.

بالنسبة لكمية الترمس حطي 3 ملاعق كبيرة مع كوبين ماء حار وانتوا زيدوا الكمية حسب الطول...

بما أن الترمس بيكون مطحون وعشان تتجنبين انه يلصق بالشعر مثل البودر ممكن تحطين الترمس في قطعة شاش وتلفينها عدل وبعدين تنقعينها بالماي عشان ما تلصق بالشعر..
منقول للاستفادة وتأكدي انها وصفات مفيدة

موضوع: شكرا الأربعاء أغسطس 25, 2010 1:21 am

الصراحة رووووووعة
بجرب

» وصفات لمنع نمو الشعر
» وصفات لبشرة متألقة جربيها
» وصفات من امينة شلباية للعناية بالشعر