باريس عاصمة النور والجمال .. وهي احدى المدن الفرنسية

`°باريس

باريس عاصمة النور والجمال .. وهي احدى المدن الفرنسية
الجميلة

وراح ابدا بالمناطق في باريس حيث ان باريس تنقسم الى
عشرين منطقه

وتسميتها تبدا من باريس واحد الى باريس عشرين ... طبعاً احلى المناطق

واشهرها هي باريس ثمانيه .. بسبب وجود شارع المشاهير الشانز اليزيه

باريس عاصمة النور والجمال .. وهي احدى المدن الفرنسية Hawi_France_029

باريس عاصمة النور والجمال .. وهي احدى المدن الفرنسية Hawi_France_029

وبعض الشوارع الاخرى مثل الافنيو مونتين وسان اونوريه
(او سانت

هونور )

باريس عاصمة النور والجمال .. وهي احدى المدن الفرنسية Wc98_055

يبدا الشانزليزيه من المسلّة المصرية في منتصف ساحة الكونكورد وينتهي بقوس
النصر

وانت ماشي على الشانزاليزيه راح تشوف جميع جنسيات العالم ... والحركة

فيه تبدا من الصباح بافتتاح اليابانيين وتنتهي في حدود الساعة خمس ..

وطبعاً آخر من يمشي فيه ربعنا السعوديين :hih766i:

يبدا الشانزليزيه بقوس النصر:18034:

ARC DE TRIOMPHE وارتفاعه ياصل الى 110 متر اذا طلعته

يعطيك بانورما على الشانزاليزيه ولا اروع منه

باريس عاصمة النور والجمال .. وهي احدى المدن الفرنسية Arc-triomphe.above

باريس عاصمة النور والجمال .. وهي احدى المدن الفرنسية Arc-triomphe.above

المحلات في هالشارع كثيره ومن اشهرها محل العطورات وادوات الزينة

سيفورا ..وهالمحل يعتبر اكبر محلات العطورات في باريس .. والله ياه

و ديره بعد!!!

SEPHORA
^^^

ومن المحلات الكبيرة في هالشارع محل اسمه فناك

FNAC والمحل هذا جنب السيفورا وهو في قلب الشانز اليزيه والمحل هذا

مشهور بالادوات الالكترونيه من كمبيوترات وجوالات وافلام فيديو

واغاني .. الخ

والمحل هذا يبيع شرائح جوال مدفوعه (سوا الفرنسيين) .. سعر الشريحه

حوالي 30 يورو .. ويطلبون منك احضار جواز سفرك عشان يعطونك

شريحه!!

وفيه من المحلات الكبيره فيرجن المختص بافلام الفيديو والقيم والاغاني ..

والمحل هذا يتفوق على فناك في مجال الافلام والاغاني .

وفيه محل ديزني لملابس والعاب الاطفال .. ولوي فيتون LOUIS

VUITTON وهذا من اغلى محلات الجلديات .. وتلقى اليابانيين صافين

سرا عليه .. وبصراحة بضايعه حلوه مره:18034:

.
وشارل جوردان للاحذيه والجاكيتات .. ومحل قاب للملابس.. والمحلات

كثيره لو اعددها كلها ماخلصت

بعض شركات السيارات الكبيره لها صالات عرض خياليه في الشانز اليزيه ..
ومنها معرض للمرسيدس موجود فيها موديلات خياليه .. ومعرض لتويوتا .. ومعرض
رينو اللي جلست اسعبل عند الموديلات اللي حاطينها .. لانها شي مايخش المزاج
.. سيارات غريبه من جد

وفيه صالتين سينما لعرض اخر الافلام الامريكيه .. بس انتبه للفلم .. ترا
فيه

عرض باللغة الفرنسيه وفيه عرض باللغة الانجليزيه وتقدر تسال اللي
يبيع:slaphappy

عند الشباك وش اللغة في الفلم اللي راح تحضره او تشوفها على اللوحة

الاماميه لاوقات الافلام

سوبرماركت كبيره اسمها مونوبغي

Monoprix شعارهم .. كلش في الثلاجة!!! :hih766i:

نجي لاماكن التبطح واللي اذبح السعوديين عندها .. المقاهي والمطاعم

طبعاً اشهر مقهى هو الفوكيت:stirthepo

Fouquets... مافيه احد راح فرنسا ولاجلس فيه ..وافلقوني اذا فيه احد يدري
انه مسمى نسبة الى مؤسسه لويس فوكيه ..

خيالي .. صاير في الزاويه بين الشانز اليزيه وشارع جورج الخامس ..

قبل ماتجلس في الفوكيت نصيحتي لك ادخل كشك الجرايد اللي قدامه

واشترى الجرايد العربيه مثل الشرق الاوسط او الحياة وسو نفسك مثقف

قدام اللي رايح واللي جاي قدام الفوكيت فيه كرسي عام دايم يجلس عليه واحد
متشرد انيق يلبس دايم جاكيت فرو ومثقف في نفس الوقت تلقاه يقرا جرايد
.:iuyp:

. بس نصيحة للبنات اذا مروا من عنده يحاولون يسرعون لانه مهبول .. اي بنت
تمر قدامه يفاجأها بكاميرته ويصورها .. بس تراه حبيب ولاتستغرب

اذا جاك وانت جالس وفتح باكت الدخان (عادي لاتستغرب ) .. والفوكيت يقفل
الساعة 2 في

الليل .. وهو من المقاهي الغالية .. سعر الكابتشينو فيه يوصل الى 8 او 9

يورو والمويه 10 يورو!! (الله لايغير علينا بوفيهات الصناعيه والعصارات )

باريس عاصمة النور والجمال .. وهي احدى المدن الفرنسية Paris23

باريس عاصمة النور والجمال .. وهي احدى المدن الفرنسية Paris23

ومن المقاهي المعروفه هناك قهوة باريس Cafe De Paris وهالقهوة اكثر اللي
يجونها اجانب وهي جنب الفوكيت ... ويجي بعدها قهوة لو دوفيل Le Deville ..
هذا المقهى اللي قابلنا فيه سامي ::1t:: هالقهوة ماتسكر الا الساعة 2 في
الليل .. تلقى غالبية اللي جالسين فيها حاجزين طاولاتهم من بدري (السعوديين
بس!! ) .. مع العلم ان فيه قهاوي افضل منها بكثير .. بس هالعالم تعودوا ..
من بعد الساعة 10 في الليل يجي مهرج جزائري بشنطته ويجلس يستهبل على اللي
رايح واللي جاي (والله ياهو ابلش اليابانيين ) ولكنه مايتعرض للسعوديين
(بلاه التصطير اللي جاه من ثلاث سنوات ) وبعد مايخلص استهباله يلم قاسمة
الله من اللي جالسين

ويجي بعد الدوفيل .. قهوة رينو Renault وهالمقهى راقي وهادئ في

نفس الوقت .. وصاير داخل معرض رينو للسيارات.. جنبها على طول

هاجن داز Häagen-Dazs سلملي على وهالمكان معروف عند كثير من

الناس ببيع الايس كريم .. والجلسة في هالمكان تحلو في اخر العصر .. لدرجة
انك بتلقى عليه سرا ناس يبون يجلسون فيه .. وفي هالفترة يجي نفس ا

لمهرج الجزائري المذكور اعلاه
وفي الجهة المقابله من الهاجن داز تجي قهوة الماريوت (انواع التسدح انا بها
القهوه)Marriottوهالقهوة في نظري انا من احلى القهاوي .. والسبب ان اللي
يخدمون فيها نفسياتهم حلوه غير اللي في القهاوي الثانية وكمان علشان ساكن
بنفس الفندق ..وهي تقفل الساعة 12 في الليل ... وتجي بعدها بمسافه قهوة
اسمها مدريجال Le Madrigal هذا احلى وقت لها اول العصر .. برضه الجزائري
المذكور اعلاه يجي فيها هالحزه ( وهنا انجلد )
طبعاً المقاهي كثيره بس اللي ذكرته هنا اشهرها

بالنسبة للمطاعم عد واغلط .. منها الفوكيت اللي تكلمنا عنه قبل شوي يوجد في
داخله مطعم فخم لكن اكله بصراحه مهوب الى هناك ... وفيه بعد مطعم ماسيون
دي السياس MAISON D'ALSACE وهالمطعم من احلى المطاعم اللي تقدم المأكولات
البحرية وبصراحه كل ما مريت من عنده لقيته فاتح مابعد شفته مقفل ابد بتلقى
ناس كثير طالبين طبق مكون من ثلاثة ادوار ماكولات بحريه اشكال والوان ولكن
مشكلتها انها نيه .. يعني لاتغلط وتطلبها والا بتبلش فيه مثل بعض الناس ..
الله يديم النعمه .. الطعم رايح فيها لدرجة ان الطرار انحاش يوم عطيته قطعه
من اللي فيه ... وفيه مطعم بيتزا بينو Pizza Pinoوهو تقريباً اشهر مطعم في
الشانز اليزيه تلقى ربعنا مسنترين فيه من بعد الساعه 2 في الليل .. وقدامه
مطعم بيتزا روما Pizza Rome وتقريباً نفس الاكل اللي عند بيتزا بينو..
عموماً غالبية المطاعم بالنسبة للمشروبات تلقاها ماتقدم الا اورنجينا والا
كوكا كولا او كوكا لايت .. لاتبلشهم عندكم ببسي والا ميرندا والا مدري ايش
... في الجهة الثانية من الشارع يوجد مطعم بلانيت هوليوود Planet Holywood
والمطعم هذا ما اتوقع فيه احد مايعرفه .. لايفوتكم الفاهيتا عندهم تراه
خطييييير ...

مطاعم الوجبات السريعه المشهوره في الشارع هم ماكدونالدز McDonald's ومطعم
كويك Quek .. هذولا اللي اتذكرهم .. الباقي ناسي اسماءها او بالاصح مافيه
امل اتذكرها

نجي للفنادق .. طبعاً مافيه احد مايعرف فندق الماريوت Marriott.. وهالفندق
صاير في قلب الشارع ولاعليه كلام ... جنبه شقق فندقيه اسمها كلاريدج
Claridge حلوه بس مشكلتها انها شوي قديمه .. لو سكنت فيها وصادف ان الجو
حار تقدر تطلب مكيف للغرفه .. لانها تجي بدون مكيفات .. ولهواة الطبخ
اطلبوا مواعين ولاتستحون .. خلوهم يجيبون المعاميل كلها وترا عندهم زمزميات
للقهوة والشاهي ... وهالثنين هم الوحيدين اللي في الشانز اليزيه .. لكن
فيه حولهم فنادق كثيره منها : كاليفورنيا ، كلاريدج بولمان ، تشاتو
فرونتناك ، ورويك ، وكونكورد لافاييت .. وهالاخير هو ابعدهم .. بينه وبين
الشانز من 10 دقايق الى ربع ساعه مشي ... وغيرها كثير

الصرافين الموجودين في هالشارع بتلقاهم منتشرين في كل جهه .. طبعاً يبيلك
تشوف من احسن واحد فيهم سعر .. هالكلام في حالة انك جاي للبلد مامعك يورو
.. وانا اشوف ان افضل اثنين هم اللي موجود المجمع التجاري اللي فيه فناك
FNAC والثاني في المجمع التجاري اللي فيه بلانيت هوليوود .. والاخير يبيع
بطاقات مكالمات دوليه ... وبالنسبة لبطاقات اعادة التعبئه للجوال تلقاها
عند فناك FNAC او عند اي محل يبيع دخان TABAC

قبل انهي كلامي عن هالشارع الكبير ابغى اذكركم بنقطه .. انتبهوا من
النصابين اللي يجون يقولون حنا جايعين وحنا جايين من قريح وما معنا فلوس
وحنا وحنا .. ترى هالاشكال ماوراها الا المشاكل يعني لاتعطونهم وجه ابد ...
وبتلقون الطراريين البوسنيين .. والله ياهم علل!! ويجونك بالاسلام ان حنا
مسلمين ومدري ايش وهم الله اعلم .. حريمهم تلقاهم يدخنون في وحده من اللفات

<<<<< كافشهم
فيه بزر عله ... والله لو تعطيه مال قارون لازم يسوي حركات نص كم عليك اذا
ابعد عنك .. وتلقاه من بكره جاي يشحذ منك ولا كأن شي صار
خلصنا من الشانز اليزيه ومافيه من محلات ومقاهي ومطاعم ونجي للشوارع
الثانية المشهوره في باريس

شكرا لكم على الموضوع

شكرا مكان سياحي رائع

» الكيكة الفرنسية بالشوكولاتة